شەفەق نیوز/ وەزارەت دارایی فیدراڵی، ئمڕوو یەکشەممە، راگەیان قەرزیگ وە بڕ 700 ملیار دینار دابینکردیە ئەرا مەرەقەزکردن مووچەی فەرمانبەرەیل هەرێم کوردستان وە رینمایی سەرۆک ئەنجومەن وەزیرەیل محەمەد شیاع سودانی.
وەزارەتەگە ئمڕوو لە بەیاننامەیگ راگەیان، " دویکە جومعە بڕوار 8/ 12/ 2023 کتاویگ فەرمی دەرکریا داوای کرێد بڕ 700 ملیار دینار قەرز بیریەێد ئەرا خەرجکردن مووچەی فەرمانبەرەیل هەرێم کوردستان وە گەرەنتی ئەوەگ وەزارەت دارایی فیدراڵی لە بودجەی هەرێم یەکلایەوکەێد لە دویای پابەندبوین وە بڕگەیل یاسای بودجەی" لەبان رەزامەنی ئەنجومەن وەزیرەیل و کە وەپای بڕیار شمارە (23520) ساڵ 2023 جیوەجی کرێد.