شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا لە کوشیان خوەنەواریگ وە گولە زانکۆ لە باکوور پارێزگاگە.
سەرچەوەیگ وە ئاژانس شەفەق نیوز راگەیان، کەسەیل نەناسریایگ لە قەزای رەفاعی باکوور پارێزگای زیقار تەقە لە گەنجیگ 23 ساڵان کردنە ک خوەنەوار زانکۆ بویە وە 7 گولە زەخمداربویە و دەسوەجی کوشیایە.
سەرچەوەگە وتیش" کردەوەی دەسدرویژیەگە لە شەوەکی ئمڕوو لە نزیک زانکۆی سۆمەر رویدایە، وەبی ئەوەی هوکارەگەی بزانیەێد تەرمەگەیش ئەرا تەواوکردن رێکارەیل یاسایی ئەرا پزیشک دادوەری کلکریا و لێکۆڵینەوە وازکریا ئەرا رویداوەگە".
هەمیش، سێ کەس، شەوەکی ئمڕوو سێشەممە، گیان لەدەسدان وە رویداو هاتوچو لە پارێزگای میسان.
وەڕیەوبەرایەتی پۆلیس پارێزگاگە لە بەیاننامەیگ ئمڕوو وت: رووژ کردیمنەو وە رویداو سەختیگ وە مدووی پاپەی نەوین وە گیان مەردم و ئاگادارنەوین و خێرایی تونیگ وەلایەن رانندەی ماشین گەپیگ و بویچگیگ سێ کەس بوینە قوربانی.