شەفەق نیوز/ وەڕێۆبەرایەتی وەرگری شارستانی لە پارێزگای هەولێر، ئمڕوو چوارشەممە، خەوەردا لە کوشیان یەک کەس و زەخمداری کەسیگ تر لە تەقین ماڵیگ لە گەڕەک زانیاری لە سەنتەر شارەگە.
قسەکەریگ وە پلەی رائید لە وەڕێۆبەرایەتیەگە لە وتاریگ تۆمارکریاگ وەگەرد پارچە ڤیدیۆییگ لە مەوقەی تەقینەوەگە وت: رووداو دڵتەزنیگ ئمڕوو لە هەولێر بوی، ک بویە هووکار رمانن ماڵیگ و کوشیان گەنجیگ و زەخمداری یەکیگ تر.
قسەکەرەگە باس کرد ک هەژمار رووداوەگە لەوەر تەنکەیگ پڕ لە بانزین کریاسە ناو لویلەیل ئاوەڕییەگە تا گرزەیل لەناو بەێد، ک پەلامار کەموتەرەیل بان خانی ماڵەگە دانە.
وتیش؛ بانزینەگە وەگەرد گازەیل ئاوەڕێەگە بونە هووکار تەقین ماڵەگە، و زەرەدەیل گەورەیگ وە ماڵەیل هاوسایل رەسان.