شەفەق نیوز/ لە بڕیگ مەکتەوەیل شار سلێمانی و ناوچەیل ئەو سنوورە، ئمڕوو سێشەممە، شمارەیگ لە کارمەندەیل پەروەردە یی دەسکردن وە دەوام لەبان بڕیار وەڕێوەبەرایەتی پەروەردەی هەرێم کوردستان، باوجی تا ئیسە فرەیگ لە مەکتەوەیل وەردەوامن لە بەسین دەرەیلیان خوەنەوارەیل کە ئامادەبوین ئەرا ماڵەوە کلەوکەن و ئەو ماموسایلە بایکۆت کردنە تا ئیسە داوای جیوەجیکردن داواکاریەگانیان کەن.
پەیامنێر ئاژانس شەفەق نیوز وت، کارکردن لە شمارەیگ مەکتەو دەسوەپیکردیە لە پارێزگای سلێمانی، باوجی بایکۆت لە بەشەگانتر پارێزگاگە وەردەوامە.
وتیش شمارەیگ لە مامووسایەیل لەبان بڕیارەگەی وەڕێوەبەرایەتی پەروەردە و فیرکردن دەسکردنە وە دەوام ، و بڕیگیانیش پابەندن وە بڕیارەگەی ئەنجومەن ماموسایەیل مانگردی ئەرا کنرەیلیان گلەونەخواردن، دیاریکرد بڕیگ لە مەکتەوەیل وە تایوەت بنەرەتیەگان خوەنەوارەیل ئامادەبوین باوجی مامووسا ئامادە نەوی.
وتیش، بایکۆت کردنتائیسە وەردەوامە لە پارێزگای هەڵەبجە و ئیدارەی راپەرین و گەرمیا بیجگە لە چەن مەکتەویگ دیار کریاگ نەود.
کامیرای ئاژانس شەفەق نیوز گلەوخواردن خوەنەوارەیل لە مەکتەوەیل توومارکرد لەوەر دەسنەکردن وە وەرز نووی خوەنین وە مدوو ئامادەنەبوین کاردرەیل فیرکاری.
.