شەفەق نیوز/ وەڕێەوبەرایەتی پۆلیس پارێزگای سلێمانی، ئمڕوو یەکشەممە، خەوەردا لە دەسگیرکردن کابرایگ توومەتبار وە ئاگرداین ژنەگەی، دۊای ئەوەگ نەفت رشانیەسە بانی.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: بنکەی پۆلیس کوردستان ئاگاداری لە رۊداو ئاگرداین ژنیگ دۊشەو وەرگرد، وەکوتپڕ مەفرەزەیل بەش پۆلیس ئەو ناوچە رەسینە شۊن رۊداوەگە، و دیاری کرد ک دۊای رەسانن ژنەگە ئەرا خەسەخانە دەرکەفت ک سزیانەگەی لەشی رەسیەسە ٧٥ لەسەد.
بەیاننامەگە وتیش: دۊای توومارکردن قسەیل ژنەگە، دەرکەفت ک شۊەگەی وەناو (ه، ر ، ح) لەداڵگبۊی ١٩٩٧ نەفت کردیەسە بانی لەناو ماڵەگەی، و سزانیەسەی، ئیجا وەرەو سنوور وایە.
دۊای رۊداوەگە وەڕێەوبەر پۆلیس پارێزگای سلێمانی فەرمان رەسانە بنکەیلە تا توومەتبارەگە پەیا بکەن، و وەماوەی ٢٤ ساعەت دەسگیر کریا.