شەفەق نیوز/ سەرچەوەیگ ئەمنی لە قەزای دەربەندیخان، ئمڕوو جومعە، خەوەردان لە دەسگیرکردن 4 کەس ک تەقەلای سەربڕین ئەسپیگ دانە و تواستنە گوشتەگەی وە هاوڵاتیەل بفروشن.
سەرچەوەگە وە ئاژانس شەفەق نیوز وت، پۆلیس دەربەندیخان لەبان ئاگادارکردنەوەیگ و وە دویاچگن ئەمنی توەنستنە چوار کەس دەسگیر بکەن ک ئەسپیگ لە دەوروگەرد قەزای دەربەندیخان دزینە و تەقەڵای سەربڕین و فروشتنی وە هاوڵاتیەل دانە.
وتیش" توومەتبارەل دریانەس دادگا ئەرا رێکارەیل یاسایی وەرانوەریان بگریەد".
دووپاتکرد وە دەسمیەتیدان مەردم و زانیاریەیلیان توومەتبارەیل دەسگیرکریانە و ئەسپە دزیایەگە ئەرا خاوەنەگەی گلەودانە.