شەفەق نیوز/ دەسەی ئامار هەرێم کوردستان، ئامار گشتییگ لە بارودۆخ خیزانی و کۆمەڵایەتی و تەندروسی هەرێم بڵاوکرد، ئاشکەرایکرد گەپترین رێژەی جیابوینەوە توومارکریاگە وە هوکار دەستێوەردان لە کاروبار ناو خێزانە. 

ئامارەیلە دیاری ئەوە کەن، بەرزترین رێژەی جیابوینەوە لە مابەین هاوسەرەیل چوودەو ئەرا دەستێوەردان لە کاروبار ناو خێزانەگە ک رەسێدە36%، لەدویای ئەوە پابەند نەبوین وە رێککەفتنەیل کۆمەڵایەتی وە پلەی دویەم تێد وە رێژەی 33.8٪.

وە پلەی سێەم نەبوین متمانە تێد وە رێژەی 21.1٪، لە پلەی چوارەم ئالوودەبوین وە مادە کحولیەگان وە رێژەی 18.6٪تێد،  فرە ژنی وە رێژەی 12.9٪، پاداگری لەبان جیابوینەوە وە رێژەی  1.1٪ تێد.

وەپای ئامارەگە، کەمترین رێژەی جیابوینەوە هوکارەگەی  بارودۆخ ئابووری و هوکارەیلترە ک رێژەگەی  0.8 لە سەدە.