شەفەق نیوز/ وەرپرسەیل ئەمنی لە پارێزگای سلێمانی، ئمروو سێشەممە، خەوەردا لە دەستگیرکردن شەش کەس وەتۆمەتەیلیگ جیاجیا جیاواز.
وەڕێەوبەرایەتی پۆلیس دارستان و ژینگە لە بەیاننامەیگ راگەیان، دۊیایما زانیاری رەسێدەپیان تا ئەوەی بڕەسنە ناوچەی سیتەک ئەرا دەستگیرکردن سێ گومانلێکریاگ ک کەرەستە و ئامێر وەکارهاوردنە ئەرا ئەلکەنین بیر ئیرتوازی.
لە بەیاننامەگە وتیش: لە ئاوای زەردەبێ تاوانباریگتر دەستگیرکریایە، ک دار بڕیە و دەستدرۊژی لە بان ژینگە کردگە.
لە بەیاننامەگە دیاریکرد، ، دەستگیرکردنەگە لەبان بنەمای فەرمان دادوەر بۊیە ک وەلایەن دادوەر دەرچگە.
رووژ لە دۊیای رووژ لەوەر سەردی کەشوهەوا و نەڕەسین بەش نەفت چەرمگ وەلایەن وەزارەت نەفت فیدراڵ ئەرا هەرێم کوردستان دەستدرۊژیکردن بان ژینگە و وەتایبەت دارەیل پارێزگای سلێمانی رۊی لەزیادبۊین کەێد.
لەهەمان کات پۆلیس پارێزگای سلێمانی دەستگیرکردن سێ هاوڵاتی لە ناوچەی سەرچنار وەتۆمەت تەقەکردن لەهاوڵاتیگتر وەگورەی فەرمان دادگا راگەیان.