شەفەق نیوز/ دەزگای دژەتیرۆر لە هەرێم کوردستان، ئمڕوو چوارشەممە، خەوەردا ک فڕۆەکیگ بێفڕۆکەوان ئەرا چەودیریکردن ناوخوەیی، دالە تاوەریگ ئەنتەرنێت لە قەزای عەنکاوە لە پارێزگای هەولێر پایتەخت.   

دەزگاگە لە بەیاننامیگ رەسیە ئاژانس شەفەق نیوز وت : لە ساعەت ١:١٧ دویای نیمەڕو ئمڕوو، فڕۆکەیگ (دڕۆن) دالە تاوەریگ ئەنتەرنێت لە ئاوای (کورد جوتیار) لە قەزای عەنکاوە، لەوەر گیچەڵیگ هونەری، ک ویرانی کرد. 

دەزگاگە وتیش: ئەوەگ جی دڵخوەشیە رویداوەگە زەرەدیگ گیانی لەلی نەویەو. 

بەیاننامەگە وتیش: دڵنیای هاووڵاتییەیل کەیمن ک هویچ رخیگ لە رویداوەگە نییە.   

وەرجەیە، ئومێد خۆشناو پارێزگار هەولێر وت: فڕۆکەیگ بێفڕۆکەوان لەناو سنوور پارێزگای هەولێر کەفت.