شەفەق نیوز/ قسەکەر وەناو فەرماندەی گشتی هێزە چەکدارەگان، ئمڕوو پەنجشەممە، راگەیان دەسگیرکردن ٤ تیرۆرست لە بەغداد و ئەنبار.
لیوای هێزەیل تایبەت یەحیا رەسول قسەکەر وەناو هێزە چەکدارەگان، لە بەیاننامەیگ رەسیە ئاژانس شەفەق نیوز وت: وەفەرمان فەرماندەی گشتی هێزە چەکدارەگان، پاڵەوانەگان لە دەزگای دژە تیرۆر وەردەوامەن لە ئامانجکردن شانەیل چەتەیل داعش تیرۆرست.
رەسول وتیش: دەزگای دژە تیرۆر توێنست ٤ تیرۆرست لە قەزایل تاجی و فەلوجە دەسگیر بکەێد، و ئۆپراسیۆن دەسگیرکردنەگە لە بنەمای زانیاریەیلیگ هەواڵگری ووردیگ هات.