شەفەق نیوز/ دەیان لە خەڵک شار سلێمانی، ئمڕوو شەممە، لەناوڕاس شارەگە خوەینشاندان کردن لەبان وەکارهاوردن چەک کیمیایی و دەسدرویژی ئیران لەبان هاووڵاتییەیل کورد لەناو وڵاتەگە و لە هەرێم کوردستان.
چالاکوان فاخر عیزەدین ئەرا ئاژانس شەفەق نیوز وت: دەیان لە خەڵکەگە و ریخریایەیل ژنانە، لە وەردەم پارک گشتی لە سلێمانی کردوو بوین، وە سەرپەرشتی بڕیگ لە چالاکوانەیل ک دەسکردن وە هەڵمەت «دژایەتی پەلامارەیل دەیشتەکی» لە دەوڵەت تورکیا و وەکارهاوردن چەک کیمیایی لەبان ناوچەیل هەرێم کوردستان، و هەمیش دەوڵەت ئیران و دەسدرویژی لەبان ناوچەیل هەرێم کوردستان و هاووڵاتی یا کورد لەناو ئیران.
عیزەدین وتیش: خوەینشاندەرەیل وینەی ئەو مەدەنیەیلە هەڵگردن ک وە چەک کیمیایی شەهید بوینە، وەگەرد دروشم «نە ئەرا داگیرکاری» و «مقیەتی کوردستان بکەن لە خیانەت و داگیرکاری» هەمیش تابلۆ وە دروشم دژوە تونوتیژی لەبان ژن هەڵگردن، و داوای ئازادی ئەرا ژن و دەسگیرکریایل لە کوردستان ئیران کردن.