شەفەق نیوز/ دەیان لە کریکارەیل پاکەوکردن لەلای یەکیگ لە کۆمپانیایل پاکەوکردن لە خانەقین، ناڕەزایی لە دیرکەفتن مووچەیلیان ئەرا زیاتر لە دوو مانگ کردن، و وەرپرسیگ لە شارەگە باس رفووبوین گیچەڵ مووچەیل کرد و وەینزیکە دریەێد.
سۆران عەلی وەڕیەوبەر شارەوانی خانەقین سەروە هەرێم کوردستان ئەرا ئاژانس شەفەق نیوز وت: بەشیگ لە کریکارەیل پاکەوکردن لەلای کۆمپانیای پاکەوکردن تایبەت (گەردین) ناڕەزایی لەبان ئەوە کردن ک مووچەیل کەڵەکەبوی کۆنەی دوو مانگ خەرج نەکریاگە، و دیاری کرد ک لەناو ١٠٠ کرێکار تەنیا ٣٨ لەلیان خوەینشاندان کردن، وە گام پەلەیگ زەرەد وە خوەیان و خانەقین رەسان.
سۆران عەلی دیاری کرد ک کرێکارەیل پاکەوکردن ١٦ رووژ بایکۆت کار کردن، ک ئەوەسا خەێدەیانە وەر بڕین مووچەی ئەو رووژەیلە ک واز لە کار هاوردنە، وەگەرد ئەو زەرەدەیلە ک رەسینە شار خانەقین و کەڵەکبوین گەناڵخە.
هەمیش دووپات کرد ک ریکارەیل خەرجکردن پویل کۆمپانیای پاکەوکردنەگە تەواو بوی، و ئەوەسا سوو دەس وە بەشەوکردن شایستەی کریکارەیل کەێد، وتیش: گرفت مووچەی کەڵکەبوی لە گەرمیان کاریگ گشتیەکان ولە ١٤ شارەوانی لە کوردستان ئی گیچەڵە هەس.