شەفەق نیوز/ ئەنجومەن وەزیران کوردستان، ئمڕوو چوارشەممە، بڕیار دا لە رەوانەکردن بڕیار یەکەمین سێ مانگ لە جیوەجیکردن یاسای چاکسازی ئەرا پەرلەمان هەرێم، وهەمیش ئاماژەکرد ئەرا رێکخستن خشتەی مانگانە ئەرا دابەشکردن مووچەگان.
ئەنجوومەنەگە لە بەیاننامەیگ رەسیە ئاژانس شەفەق نیوز وت: ئەنجومەن وەزیران هەرێم کوردستان، ئمڕوو، دانیشتن ئاسایی ئەنجامدا وەسەرۆکایەتی مەسرور بارزانی سەرۆک وەزیران و وەئامادەبوین قوباد تاڵەبانی جیگر سەرۆک ئەنجومەن وەزیران.
بەیاننامەگە دیاریکرد: لە سەرەتای کۆبونەوەگە باس لە رێکخستن خشتەی مانگانە کریا ئەرا دابەشکردن مووچەگان وەشیوەیگ بگونجیەێد وەگەرد خشتەی مانگانەی خەرج بەشیگ لە شایستە داراییەگان ک دریاگە لەلایەن حکومەت فیدڕاڵی، و لە رووشنایی ئەوە ئەنجومەن وەزیران رینما داگە وەزارت دارایی و ئابووری ئەرا ریکارە ئیداریەگان ئەوە.
لە تەوەریگ تر لە کۆبونەوەگە، وەگورەی بەیاننامەگە، عەبدولحەکیم خسرەو سکرتێر دەسەی باڵای جیوەجیکردن یاسای چاکسازی رابۆرت یەکەم سێ مانگەگە خستەڕوو لە وەخت هاتن یاسای چاکسازی ژمارە ٢ ئەرا ساڵ ٢٠٢٠ ، و بڕیارەیل و رینمایل وبەڕنامەیل ناوخۆیی هاناوی و ئەو گامەیلەگ دانریاگە ئەرا جیوەجیکردن یاساگە، وهەمیش تەقەلاگان هاتگ حکومەت خستەڕوو ئەرا جیوەجیکردن ئەو بەندەیل یاساگە لەبان وەزارەت ودەزگا پەیوەندیدارەگان لە حکومەت هەرێم.
ئەنجومەن وەزیران بڕیار رەوانەکردن راپۆرتەگە دا ئەرا پەرلەمان کوردستان، وەو جوورەگ سەرۆک ئەنجومەن وەزیران ئاماژەیکرد لەوەخت هەل کردن راپۆرتەگەی لە ژیر گومەزی پەرلەمان.