شەفەق نیوز/ فرسەت سوفی وەرپرس حکومەت خۆجێی لە هەولێر پایتەخت هەرێم کوردستان، هووکارەگان لە بەرزەوبوین رێژەی تووشهاتنەگان وە ڤایڕۆس کۆڕۆنا ئاشکراکرد وە پابەند نەوین دانیشتوەیل وە رینما و ریکارە مقەیەتیەگان.
سوفی لە وتاریگ ئەرا رۆژنامەنووسەیل لە پشت دیدار خوەنەوارەیل پۆلە کۆتاییەگان لە قۆناغ ئامادەیی لە هەرێم وت: ئەوەگ نەخوازیمنەی بوی، و وەجیهاوردن ریکارە مقەیەتیەگان وە ئاست خوازینەگە نەوی، ک هیشت رێژەی تووشهاتنەگان وە کۆڕۆنا لە هەولێر فرەوە بوود.
هەمیش وت: ئیمە ئامادەیمن ئەرا وەجیهاوردن گشت ریکارەگان، بەڵکم دوینیمن ئیسە خاسترین چارەسەری خوەی وەکارهاوردن دەمامەکە لە شوونە گشتیەگان، و جەختکرد ک هیچ لە نووامان نیە زیاتر لە پەنا بردن ئەرا ریکارە مقیەیەتیەگان و دویرەوکەفتن لە شوونە قەڕەباڵغەگان.
لەباوەت ریکارەیل ‌قەیەغەی ناوبەین هەولێر و ئەو پارێزگایل ناو و دەیشت هەرێم کوردستان، پازێزگار وت: ئیمە ئیسە پابەندیمن وە تەمەیل وەزارەت تەندروسی، وهیچ بڕیاریگ وەبی رای وەزارەت تەندروسی نێوەیمن.