شەفەق نیوز/ وەزارەت شارەوانی و گەشتوگوزاری لە هەرێم کوردستان، ئمڕوو یەکشەممە، راگەیان دەسکردن وە بەش سێیەم لە پڕۆژەی جادەی ١٥٠ مەتری لە شار هەولێر پاێتەخت هەرێم کوردستان.
وەزارەتەگە لە بەیاننامەیگ رەسیە ئاژانس شەفەق نیوز وت: وە فەرمان مەسرور بارزانی سەرۆک حکومەت هەرێم کوردستان ئەوەسا دەسکریەێدە ئەنجامداین بەش سێیەم لە جادەی ١٥٠ مەتری، ک ری هەولێر - بەحرەکە، و ری هەولێر گوپال وەگەرد ری سەرکی دهۆک بەسێدە یەک.
بەیاننامەگە دیاریکرد ک تا ئیسە بەش یەکەم و دۊم لە جادەی ١٥٠ مەتری تەوا بۊە، و لە رووژەیل ئایندە واژوو گریەبەسی ئەنجامداین بەش سێیەم ناوبەین سەرۆکایەتی شارەوانی هەولێر و کۆمپانیای هێمن گرووپ کریەێد.