دیندار زێباری هەماهەنگکار تەمەیل ناودەوڵەتی لە حکومەت هەرێم کوردستان لە کۆنگرەیگ رووژنامەوانی پەیامنێر ئاژانس شەفەق نیوز ئامادەی بوی وت: ئمڕوو گفتوگۆیگ وەگەرد دەزگایل حکومەتی وەڕیەو بردیمن، جویر بەشیگ لە جیوەجیکردن پلان هەرێم کوردستان لە ماف مرۆڤ،ک باس مافەیل شارستانی و سیاسی کریا، ک فرە لە ریکارەیل حکومەت هەرێم کوردستان لە ساڵەیل گوزەشتە جیوەجی کرد.

 وتیش: لەناو ریکارەیل، وسیان جیوەجیکردن سزای وەسێدارەدان بوی، ک زیاتر لە ٤٥٠ فەرمان وەسێدارەدان لەناو هەرێم کوردستان هەس، وەگەرد گامەیلیگتر لەباوەت قایمکردن وەیەکەوژیان سیاسی و ئاشتەوایی، وەتایبەت لە ناوچە دابڕیاگەیل.

 زێباری وتیش: لە ئاست مافەیل سیاسی، بەشداریکردن گورجیگ وەلایەن پیکاتەیل لە جویراجویر دامودەزگایل حکومەتی هەس، وەگەرد بەرنامەیل خوەنەواری.

دیاری کرد ک یاسایلیگ هەس حکومەت هەرێم کوردستان وەپییان شانازی کەێد، لەباوەت ئازادیەیل جویر ئازادی رووژنامەوانی ئەرا نموونە، و داوای جیوەجیکردنی وەشیوەیگ تەواو لەناو دادگایل کرد.

زێباری وتیش: حکومەت هەرێم کوردستان مقیەتی سەدان خوەینشاندان کرد، و خوەی پشتگیری لە خوەینشاندان ئاشتەوایی کەێد، و سیاسەتی لەی باوەتە ئاشکراس.

هەماهەنگکار تەمەیل ناودەوڵەتی وتیش: پلان هەرێم کوردستان بەشیگە لە پلان عراق، و دووپات لە پابەندیی وە پیشکەشکردن ئەنجامەیەیلیگ لەی باوەتە لە ساڵەیل بانان کرد.