شەفەق نیوز/ وەزیر پەروەردەی حکومەت هەرێم کوردستان، ئالان حەمەسەعید، ئمڕوو یەکشەممە راگەیان، بڕیارە گشت وانەبێژەیل لەبان داهات هەرێم کوردستان جویر گرێبەست هەمیشەیی دامەزریەن.
ئالان لە کۆنگرەیگ رووژنامەوانی کە ئاژانس شەفەق نیوز ئامادەبوی راگەیان "وەگەرد شمارەیگ لە نوونەرەل وانەبێژەیل کوبوینەوە و دیداریگ وەگەرد سەرۆک حکومەت مەسروور بارزانی ریکخستین و گیچەل وانەبێژەیل خسینەروی، حکومەت خۆڕاگری وانەبێژەیل بەرز نرخان.
وتیش، "لە گوزەشتە داوای چارەسەر گیچەڵ وانەبێژەیل کردبوین، هەمیش سەردا سەرۆک وەزیرەیل فیدڕاڵی و وەزیر پەروەردەی فیدڕاڵی کردیمن، بەڵام 350 هەزار وانەبێژ خوەیان لە شار و پارێزگایەیل عراق دامەزرانن و رازی نەوین بودجە ئەرا وانەبێژەیل هەرێم دابین بکرێد".
حەمەسەعید دووپاتکرد "لەوەر ئیە سەرۆک حکومە هەرێم کوردستان بڕیاردا گشت ماموسایەیل جویر گرێبەست هەمیشەیی لەبان حساو حکومەت کورستان دابەزریەن، هەمیش کار ئەرا رێکخسن مامەڵەیلیان کرێد، وەپای ئەوەگ شمارەی مامووسایەیل رەسێدە 38 هەزار وانەبێژ".