شەفەق نیوز/ جوتیار عادل قسەکەر وەناو حکومەت هەرێم کوردستان، ئمڕوو پەنجشەممە، وت: ئەوەسا حکومەت گشت تەقەلایگ ئەرا مسۆگەرکردن بەش هەرێم لە بوودجەی دارایی فیدڕاڵی ئەرا ساڵ ٢٠٢١ دەێد.
عادل لە کۆنگرەیگ رۆژنامەوانی ئمڕوو لە پشت دانیشتن ئەنجومەن وەزیران هەرێم، و پەیامنێر ئاژانس شەفەق نیوز ئامادەی بوی وت: حکومەت هەرێم کوردستان لەوەخت دروسکردنی ئامانج سەرەکیی خوەی رێککەفتن لەناوبەین حکومەت فیدڕاڵی بوی دەربارەی نەفت و داهات داراییەگان لە مەرزە سنووریەگان لەبنەمای دەستوور.
وتیش؛ هیچ دەسپیچگیگ ئەرا حکومەت عراق نەیشتیە تا رێککەفتن لەباوەت بوودجەگە نەکەێد، و ئومیدخوازیمن پڕۆژەی یاسای بوودجەگە لە ئەنجومەن نۆێنەران عراق وەڕیەو بچوود ، و حکومەت هەرێم هەر وەردەوام بوود لە کارکردن ئەرا وەڕیەوچگن یاساگە، چ وە گفتوگۆەگان وەگەرد لایەنە سیاسیەگان یا وەگەرد لایەنە کوردستانیەگان.
لەباوەت قاچاخیکردن لە مەرزە سنووریەگان عادل وت؛ حکومەت هەرێم بڕیار دا کۆتایی وە قاچاخکردن لە مەرزە سنووریەگان بارێد، چوونکە کاریگەری لەبان داهاتەیل هەرێم داشتن، و داوا لە وەزیرەیل ناوخۆ وپێشمەرگە کردن پلانەبلیان لە کۆتای هاوردن وە قاچاخی لە مەرزە سنووریەگان بخەنە وەردەس.