شەفەق نیوز/ فەوزی حەریری سەرۆک دیوان سەرۆکایەتی هەرێم کوردستان، ئمڕوو یەکشەممە، ئاشکرای سەردان ئیسەی نێچیروان بارزانی سەرۆک هەرێم کوردستان ئەرا ئیران کرد، و دووپات لە گرنگی بتەوکردن پەیوەندییەیل کرد.
حەریری ئەرا ئاژانس شەفەق نیوز وت: بایەسە پەیوەندییەیل خاسیگ وەرد ئیران بیاشتوێمن، جویر ئەوەگ وەرد تورکیا دیریمن، و لە خود وەختیش، بایەسە تەهران رێز لە سەروەری هەرێم کوردستان و سەروەری عراق بگرێد.
وتیش؛ ئیمە ری تیەیمن هەڕەشە لە هەرێم کوردستان وەبان ئیران یا تورکیا یا سوریا بوود، ئەراوە مکیس سەرۆک هەرێم کوردستان لە ئیرانەو کریا، ئەرا باسکردن لە پەیوەندییەیل دووانی، و نووەوکردن بەشیکی لە گشت چینەیل سیاسی و بازرگانی و ئەوانەی ترەک.
حەریری لە کۆتایی قسەگەی باس گەشبینی نووڕینی ئەرا خاسەوبوین پەیوەندییەیل ناوەین هەرێم کوردستان و ئیران کرد.
نێچیروان بارزانی سەرۆک هەرێم کوردستان، ئمڕوو یەکشەممە، دویای مکیسیگ فەرمی، وە سەردانیگ رەسیە تەهران.