شەفەق نیوز/ سەرچەوەیگ ئەمنی پایەبەرز لە بەسرە، ئمڕوو پەنجشەممە، ئاشکراکرد لە رەسین وەزیر ناوخۆی عراق ئەرا پارێزگاگە و کۆبونەوە وەگەرد فەرماندە ئەمنیە پایەبەرزەیل پارێزگاگە کرد، لە پشت بەرزەوبوین کوشتن چالاکوانیەگان.
وەرپرسە ئەمنیەگە ئەرا ئاژانس سيفەق نیوز وت: عوسمان غانمی وەزیر ناوخۆ، شەوەکی ئمڕوو، رەسیە بەسرە ئەرا گفتوگۆکردن لە رەوش ئەمنی پارێزگاگە، دەربارەی کۆبونەوە وەگەرد فەرماندە ئەمنیەگان و وەرپرس حکومەتە خۆجێیەگە .
سەرچوەگە وەتیش؛ کۆبەنوەیگ وەگەرد ئەسعەد عیدانی وەرپرس دەسەی ئەمنی باڵا لە بەسرە کرد، وهەمیش فەرمانببەرەیل ئۆپراسیۆن وپۆلیس و ئەو ئاژانسە ئەمنیەگان، وکۆبونەوەگە وەیەکجا نهێنی بوی.
سەرچەوەگە هەمیش وت: کۆبونەوەگە ئاماژە دا ک ئەوەیگ هالە پشت ئامانج کردن چالاکوانیەگان لە بەسرە، لایەنەیلیگ سیاسیین ئامانجیان ئەوەسە ئاژاوە بخەنە ناو رەوش ئەمنی پارێزگاگە، ودیاری کرد؛ کۆبونەوەگە وەهاتن فەرماندەی ئۆپراسیۆنەگان بەسرە و بەشیگ لەو فەرماندە ئەمنیەگان بوی.