دکتۆر حەسەن ئەرا ئاژانس شەفەق نیوز وت: ئەو مردنە لە خەسەخانەی ئازادی توومار کریا، ئەرا کەسیگ خەڵک ناحیەی بەعشیقە باکوور مووسڵ، لەناو ماڵیان ئاژەڵ دیرێد.
وتیش؛ مەزەنە کەێد بیماریەگە لە کەسیگ ئەرای هاتیە وەڕی خوین ئاژەڵ تویش هاتگە، و وەرجە دوو رووژ سەردان خەسەخانەی ئازادی کرد لە دهۆک و ئمڕوو گیانی لەدەسدا، دیاری کرد ک ژنەگەی نشانەیل بیماریەگە دیرێد، وەلێ تەندروسیی خاسە.
لە دویادویای مانگ ئایار، وەزارەت تەندروسی عراق راگەیان تویشهاتنەیل تەو خوینوەربوین لە وڵاتەگە لە سەرەتای ئی ساڵەو رەسیە ١٣٩ کەس، ٢٠ لەلیان مردنە.
تەو خوینوەربوین تەو ڤایرۆسیە هەمیشە لە ئاژەڵ تیەێد وە خوین پیس یا گووشت، هەرچەن ڤایرۆسەگە مرێد ئەگەر گووشتەگە خاس کوڵیا، وەلێ هاتێ وە خوین ئاژەڵە بیمارەیلیش باێد.
پسپۆڕەیل هوشداری کەن ک شایەت ڤایرۆسەگە لە کەسیگ ئەرا کەسیگتر باێد، تایبەت وە پەیوەندی سێکسی یا لێر دەم و جویراجویر شلەیل لەش.
نشانەیل وەرجەوەخت بیماریەگە بوودە تەو و شەکەتی و بیهازی و وڕبوین و ژان لەش و سوخان و هەڵاوردن و زگچین.
و نیشانە مەرگبارەیلی ک هەڕەشەی ژیان دەێد ئەگەر بویە خوەینوەربوین ژیر پووس یا دەم یا چەو یا گووش.