شه‌فه‌ق نيوز/ هيزه‌يل بنگه‌ى پۆليس سه‌را له سلێمانى له هه‌رێم كوردستان، تويه‌نست تومه‌تباريگ ده‌سگير بكا ك 12 فه‌رمان دادوه‌رى ئه‌را ده‌سگيركردنى ده‌رچيه.
ئه‌و تومه‌تباره وه‌گووره‌ى مادده‌يل 452 و 353 و 456 له ياساى سزايه‌يل عراقى 12 جار فه‌رمان ده‌سگيركردن ئه‌راى ده‌رچيه، شه‌ش له‌ليان له هه‌ولێر و شه‌قڵاوه‌و په‌نج له چه‌ن بنگه‌يگ تر له‌شار سلێمانى.
جى باسه، تومه‌تباره‌گه فه‌رمانيگ تر دادوه‌رى ئه‌را ده‌سگيركردنى ده‌رچيه له قه‌زاى كوێسنجه‌ق سه‌ر وه پاريزگاى هه‌ولێر.