شەفەق نیوز/ نێچیرڤان بارزانی سەرۆک هەرێم کوردستان، ئمڕوو جمعە، بڕیگ لە باوەتەگان باس کرد وەگەرد مەولود چاووش ئۆغڵۆ وەزیر دەرەوەی تورکیا لە ئەنقەڕە. بارزانی شەوەکی ئمڕوو رەسیە ئەنقەڕە، ئەرا ئەنجامداین گفتوگۆەیلیگ وەگەرد وەرپرسە تورکیەگان، ولە نوایان رەجەب تەیب ئۆردوگان سەرۆک تورکیا. بەیاننامەیگ لە سەرۆکایەتی هەرێم رەسیە ئاژانس شەفەق نیوز وت: کۆبونەوەگە باس پایوەندیەگان هەرێم کوردستان وەگەرد تورکیا کرد، وچوونیەتی گەشەکردنی لە چینەیل جوورا جور، وەتایبەت ئابووریەگە، وهەردوگلاگە دووپاتکردن لە گرنگی زیاتر وە جوولە و گواستنەوەی بازرگانی لەناوبەین هەردوگلا. هەمیش هەردوگلا باس لە بڵاوبوین ڤایڕۆس کۆرۆنا کردن و کاریگەریەگانی وەتایبەت لە ئابووری. لەی باوەتە وەزیر تورکیا باس لە ئامەدەیی وڵاتەگەی کرد لە دەسمیەتکردن هەرێم کوردستان، لە ری پێشکەشکردن ورەوانەکردن هاوکاری وپێداویستیە پزشکیەگان ئەرا نواگردن ئی پەتا. هەمیش کۆبونەوەگە باس پەیوەندیەگان کرد لەناوبەین بەغداد وهەولێر، ودانووستانەگان ئەرا چارەسەرکردن گرفتەگان ومەترسیەگان تیرۆر و نواگردنی وەگەرد دویاترین گەشەەیل ناوچەگە وەشیوەیگ گشتی، وەگەرد باوەتەیلیگ تر لە گرنگی هەردوگلاگە.