شەفەق نیوز/ وەڕیوبەر تەندروسی گشتی دهۆک ئەفراسیاب موسا، ئمڕوو چوارشەممە، راگەیان سێ تویشهاتن وە بیماری کولێرا لە پارێزگاگە توومارکریاگە وەگەرد 50 بیماری گومان لێکریاگ.
موسا لە کۆنگرەیگ رووژنامەوانی ئمڕوو راگەیان، ئەو سێ کەسە کە تویش کولێرا هاتنە چارەسەر وەرگردنە وئەرا ماڵ کلکریانە.
وتیش، وەڕیوبەرایەتی تەندروسی دهۆک لیژنەیگ پێکهاوردیە رینمایی نوو بیەن وە خواردنگە و بازاڕ و قەیەغەی ئەو چشتەیلە بکەن بوودە هووکار تویشهاتن و کولێرا، دووپاتکرد لە پێویستی جیوەجیکردن ئێ رینمایەیلە وەلایەن هاوڵاتیەیل.
وتیش؛ ری نیەدریەد وەکارهاوردن سەوزە لەناو خواردنگەیل، بیجگە لە خیار و تەماتە، و بایەسە هاوڵاتیەیل وە خاسی سەوزەیل پاکەوبکەن وە مادەیل پاکەوکەرەوە.
دووپاتکرد، ئاو پیس یەکیگە لە هووکار تویشهاتن وە کولێرا، پێویستە هاوڵاتیەیل ئاو پاک بنوشن و وەکاربارن.