شه‌فه‌ق نيوز/ دۆناڵد تره‌مپ سه‌رۆك ئه‌مريكا ئاشكراى ئه‌وه كرد شماره‌يگ دياريكرياێ له سه‌ربازه‌يل ئه‌مريكى له سوريا ميننه‌و، بڕيگ له‌ليان وه دريژايى مه‌رزه‌يل وه‌ل ئوردن و بڕيگيش پاسه‌وانى سه‌رچه‌وه‌يل نه‌فتى ئه‌كه‌ن.
تره‌مپ وت: ئيمه ده‌سميه‌ت كورد دايمنه له‌بان ئه‌و ره‌خنه‌يل فريه‌ى ناوده‌وڵه‌تيه ك ده‌سوه‌پيكرد له‌وه‌ختيگه‌و ئعلان كيشاننه‌وه‌ى هيزه‌يل ئه‌مريكى كريا، وه‌لێ جاريگ تر تره‌مپ دوباره‌يه‌و كرد و وت: كورد فريشته نيين و ئيمه قه‌وڵ ئه‌وه وه كورد نه‌يايمنه تا چوارسه‌د ساڵ تر ئاينده پاسه‌وانى له‌ليان ئه‌كه‌يم.
سه‌رۆك ئه‌مريكا هه‌ميش وت: ئيمه وتيمنه ئه‌گه‌ر هيزه‌يلمان بكيشيمنه‌و مقه‌يه‌تى له سه‌رچه‌وه‌يل نه‌فتى ئه‌كه‌يم و وڵاته‌يل يه‌كگرتگيش يه‌كيگ له گه‌وراترين كۆمپانيايه‌يل نه‌فتيى ره‌وانه‌ى ئه‌و ناوچه ئه‌كا، جه‌ختيش له‌وه كرد ك مه‌سه‌له‌ى پاسه‌وانيكردن داهاته‌يل نه‌فتى له ناوچه‌گه دارايى ئه‌را كورده‌يليش ديرێد.