شەفەق نیوز/ وەزیر تەندروسی لە هەرێم کوردستان، ئمڕوو دووشەممە، کوشیان یەک کەس و زەخمداری ٨ کەمتر وە گورز ئیرانی شەوەکی ئمڕوو وەبان کۆیە لە هەولێر راگەیان.
سامال بەرزنجی ئەرا ئاژانس شەفەق نیوز وت: گورز ئیرانی تا ئیسە بویەسە هووکار کوشیان یەک کەس و زەخمداری ٨ کەمتر رەسیانە خەسخانە، و دیاری کرد ک فەرمان ئامادەباشی دایمنە خەسەخانەیل ئەرا پیشکەشکردن دەسمیەتی پزشکی.
شەوەکی ئمڕوو، سێ فڕۆکەی بێفڕۆکەوان پەلامار بارگایل حزب (کۆمەڵەی) ئۆپۆزسیۆن ئیرانی لە قەزای عەربەت لە پارێزگای سلێمانی دان، وەگەرد گورزیگ ئیرانی وە دوو مووشەک لەبان بارەگای حزب دیموکراتی کوردستانی ئیرانی لە قەزای کۆیە لە پارێزگای هەولێر.
لە مانگەیل ئەیلول و تەشرین یەکەم گوزەشتە، ئیران وە شیوەیگ نیمچە رووژانە پەلامار ناوچەی کۆیە دا، و وینەیلیگ نشان مناڵەیلیگ فیرخواز دان لە رخ گورزەگە خوەیان شارنەو.