شەفەق نیوز/ سامان بەرزنجی وەزیر تەندروسی لە حکومەت هەرێم کوردستان، ئمڕوو شەممە، راگەیان ئەوەسا لە رووژ دووشەممە، دەسەی باڵای نواگردن کۆڕۆنا ئەرا هەڵسەنگاندن رەوش ساڵ خوەنەواری گردەو بوود.
بەرزنجی ئەرا ئاژانس شەفەق نیوز وت: دەسەی باڵای نواگردن کۆڕۆنا ئەوەسا لە رووژ دووشەمەی ئایندە گردەو بوود، ئەوەیش لە پشت بەرزەوبۊن شمارەی تۊشهاتنەیل ڤایرۆسەگە وەی ماوەی دۆیاییە ئەرا هەڵسەنگاندن رەوشەیلە.
وەزیرەگە دووپات کرد ک رۊیکردن وەرەو بەسیان مەکتەوەیل لەی مەوقە نییە،. وچارەسەریەیلیگ تر هەس جۊر زیایکردن شمارەی وەرگرەیل واکسین لە مامووستایەیلە و ئەوانەگ تەمەنیان هابان ١٨ ساڵان لە خوەنەوارەیلە، وتیش؛ ئاست وەرگردن تۊشهاتنەیل کۆڕۆنا لە خەسەخانەیلە هالە بەرزەوبۊن.