شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە پەلاماریگ وە بومبیگ دانریاگ لەبان ئامێریگ حکومەتی و زەخمداری رانندەگەی لە پارێزگای دهۆک لە هەرێم کوردستان.
سەرچەوەگە ئەرا ئاژانس شەفەق نیوز وت: یەکیگ لە ئامێرەیل تیمەیل وازکردن ریوبان لە دووڵ رشاقە لە قەزای عمادیە باکوور دهۆک، کەفتە وەر تەقیان بومبیگ دانریاگ ک وە ماددەی (تی ئێن تی) دروس کریایە، مەوقەی کار تیمەگە لە وازکردن و خاسەوکردن ریەگە.
سەرچەوەگە دیاری کرد ک تەقینەوەگە بویە هوکار زەخمداری رانندەگەی و وەزوی ئەرا خەسەخانە بریا.
سەرچەوەگە دیاری کرد ک ناوچەگە بویەسە مەیدان جەنگ ناوەین ئەنقەرە و پەکەکە، ک رووژانەگە جەنگ و تەقە لەناوی بوود، وەگەرد پەلامارەیل نیمچە رووژانە وە چەک ئاسمانی تورکیا.
ئی رویداوە وەگەرد ئەو زەنجیرەی تەقینەوەیلە توومار کریەێد ک تیمەیل کارکردن لە وازکردن ریوبانەیل و ژیرخانەیل کەنە ئامانج.