شەفەق نیوز/ رێزان شێخ دلێر خانمە ئەندام ئەنجومەن نۆێنەران لە یەکێتی نیشتمانی کوردستان، ئمڕوو جمعە، باس دیرکەفتن رێککەفتنەگە لەناوبەین حکومەت فیدڕاڵی و هەرێم کوردستان ک لەوەر نەوین پویل هشک لەلای بەغداد و نادیاری سرووشتەگەی بوود.
شێخ دلێر لە بەیاننامەیگ رەسیە ئاژانس شەفەق نیوز وت: حکومەت فیدڕاڵی لە گشت کۆبونەوەیگ تەقەلای بەرزەوکردن ئاست داواکاریەگەی لەنوای حکومەت هەرێم کەێد، و خوازێد بڕەسنێدەی بەرزترین ئاست، و دیرخستنی تا دویرترین وەخت، لەوەر بەرزەوبوین سیمای مشتومڕەگان و ژاوەژاوە سیاسییە حزبیەگان لەناونی نۆێنەرەیل حکومەتەگە لە بەغداد، و دووپاتکرد ک هووکارە سەرەکیەگە چوودەو ئەرا نەوین پویل هشک لەلای بانک ناوەندی عراقی، ک نێتوێنێد پویلەگان ئەرا هەرێم رەوانە بکەێد.
وتیش؛ هەرێم کوردستان باس لە ئامادەبوین تەواوەتیی کرد لە وەدەسداین داهاتەگان ئەرا کۆمپانیای نەفت فرووشتن «سۆمۆ» وەشیوەی مانگانە، وهەمیش چارەسەرکەردن گرفتەیل داهاتەیل مەرزە سنووریەگان و گومرگەگان، بەڵکم حکومەت هیچ وەڵامیگ وە رەزامەنیی لەبان رێکەفتنەگە یا نارەزایی نەیاگە.
خانمە پەرلەمانتارەگە ئاماژە کرد لە گرفتەیل دارایی گەورایگ کەفنە نوای حکومەت فیدڕاڵی، ک واژووکردن رێککەفتنەگە دیرەو خست، و ئیجا کاریگەری خراویگ کردە بان گەل هەرێم، دویای خراوبوین رەوش ژیان و گوزەرانی لەوەر دیرکەفتن مووچەگان ک بایەدە حکومەت فیدڕاڵی رەوانەیان بکەێد، دویای ئەوەگ هەرێم کوردستان رەزامەنی لە گشت داواکاریەگانی دا.
و ئاماژە کرد ک بایەدە گەل عراق وەشیوەیگ گشتی و کوردستان وە شیوەیگ تایبەت بزانن ک رەزامەنیەگە لەلایەن شاندە کوردەگە رەسیە بەرزترین ئاستەگانی، چوونکە باوڕ دیرێد ک خوەراک وژیان هاووڵاتییەگە لە گشت چشتیگ گرنگ ترە، وهیمان کوردستان چەوەڕی وەڵام حکومەت بەغداد کەێد.