شەفەق نیوز/ وەڕێەوبەرایەتی کەشناسی هەرێم کوردستان، ئمڕوو یەکشەممە، بڕ ئەو وارانە راگەیان ک لەبان شارەیل هەرێم کوردستان واریە. 

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: بڕ ئەو وارانەیلە ک لەبان شارەیل هەرێم و وەماوەی ٢٤ سەعات گوزەشتە واریە، هەر لە نۆی شەوەکی دویەکە تا نۆی شەوەکی ئمڕوو، لە هەولێر نمە واران بوی، لە سلێمانی ١،٥ ملیمەتر، ودهۆک ٠،٧ ملیمەتر، کەرکوک نمە واران،  حاجی ئۆمەران ٦،٦ ملیمەتر، چەمچەماڵ ٢ ملیمەتر، دوکان ١،٢ ملیمەتر، رانیە ١،٤ ملیمەتر، چوارقوڕنە ١،٥ ملیمەتر.   

لە ئاکرێ وارانەگە ٠،٨ ملیمەتر بوی، و بامرنی ٥،٨ ملیمەتر، ئامێدی ٣ ملیمەتر، مەیدان ٠،٨ ملیمەتر.  

دویەکە هەرێم کوردستان کەفتە وەر خوەڵوتوزیگ ئیجا لەپشتی وارانیگ واری.