شەفەق نیوز/ خاوەن کاروبار و بازرگان ناودیار لەهەولێر باز بەرزنجی، ک ماڵەگەی کەفتە وەر مووشەکەیل سوپای پاسداران ئیران، ئمڕوو سێشەممە، مکیس ئیرج مەسجدی باڵیۆز تەهران لەلای بەغداد کرد سەردان ماڵەگەی بکەێد، و وەچەو خوەی بنووڕێدە ئەو زەرەدەیلە، و دڵنیا بوود ک ئی ماڵە ماڵ خیزانیگ عراقیە، نەگ کامپیگ ئیسرائیلی.
بەرزنجی لە قسەیلی ئەرا شاند پەرلەمان عراق وە سەرۆکایەتی حاکم زاملی جیگر سەرۆک پەرلەمان لە کۆنگرەیگ رووژنامەوانی هاوبەش وت: خوەشبەختانە ک خیزانەگە لە مەوقەی کەفتن ٩ مووشەک کشوەر رەدکەر لەناو ماڵەگە نەۊی.
وتیش: جۊر خاوەن خیزانیگ داوا لە نۊنەرەیل گەل عراق کەم، ک گرنگە هەر خیزانیگ عراقی بزانێد ک ئی ماڵە هن خیزانیگ جۊر خوەیە، و بڕوا دیرم ک هەڵەیگ بۊیە. بەرزنجی وتیش " داوا لە دەسەی پەرلەمان کەم بڕەسنێدە باڵیۆز ئیران ک خوەی باێدە هەولێر، و دەسەیگ دیبلۆماسی دروس بکەێد، و بنووڕێدە ماڵەگە.
لەلای خوەییش، زاملی لەناو کۆنگرەگە وت: پەرلەمان رەت ئیجۊر پەلاماریگ لەبان خاک عراق کەێد، و دیاری کرد ک هاوپەیمانیگ چوارینە لەناوبەین عراق و ئیران و رووسیا و سوریا هەس، و ئی هاوپەیمانە زانیارەیل هەواڵگری و سەربازی ناویەک دەن، و بایەت بۊ لە زانیارەیل هاوپەیمانەگە دووپات بکردیاد، وەرجە جیوەجیکردن ئی گورزە.
و زوور کرد ک عراق نێودە شانۆی ململانەیلە، و سەرچەوەیگ ئەرا هەڕەشەی دەوڵەتەیل هاوسا نییە، و بایەتە ئی دەوڵەتەیلە رێز لە سەروەری خاک عراق بگرن، وتیش: ئەوەسا هەڵوێستیگ لە ئەنجومەن نۊنەرەیل وەرانوەر ئی گورزە بوود.
دۊای گەردین شاندەگە، و نووڕستن ماڵەگە، زاملی وت: دڵنیا بۊمن ک ئی ماڵە ماڵ خیزانیگ عراقیە، و ئیمە دەسەی چگن وە بندروس راسی پەرلەمانی هایمنە نووڕستن مەیدانی لەبان گورزەگە، و راسیەگە جۊر خوەی باس کەیمن.
دووارە وتیش: یە ماڵ خیزان باز بەرزنجیە، و لە تابلۆی ماشینەیل ک زەرەدمەن بۊنە لەوە دڵنیا بۊمن، ک شمارەیان پارێزگای هەولێر بۊیە.