شەفەق نیوز/ وەرپرس دەزگای دەسپاکی لە هەرێم کوردستان دادوەر ئەحمەد ئەنوەر، ئمڕوو پەنجشەممە، راگەیان بەرزەوبۊن شمارەیل سکاڵا لەباوەتەیل گەندەڵی دارایی و ئیداری لەلای دادگایل هەرێم کوردستان لە ماوەی ساڵ ٢٠٢١ لەچەو ساڵەیل گوزەشتە.
ئەنەور ئەرا رووژنامەوانەیلە لە هەولێر وت: ئمساڵ ٤٤٥ سکاڵا لەباوەتەیل گەندەڵی توومار کریاگە، و دیاری کرد ئی شمارە وە ئاست گەورەیگ لە ساڵەیل گوزەیشتە فرەترە، ک لەو ماوەیلە ٥٦٠ سکاڵا توومار کردیمن، ک هیمان هانە لێکۆڵینەوە.
ئەنوەر وتیش: گشت شمارەی سکاڵایلە ک لێکۆڵینەوە لەلیان کریەێد رەسێدە ٨٠٤ باوەت، وتیش: ١٣٦ باوەت هانە سێ وەڕیەوبەرایەتیەگە لە پارێزگای هەولێر و سلێمانی و دهۆک، لێکۆڵینەوەیان تەواو بۊ و ئمساڵ یەکلاوە کریان.
وتیش: ئمساڵ لە سێ داگایل تایبەت وە سکاڵایل گەندەڵی لە هەرێم کوردستان ٩٤ باوەت یەکلاوە کریا، ودیاری کرد ک هیمان ١٢٣ باوەت هانە ئاست دادگاکردن.
سەرۆک دەزگای دەسپاکی ئی ساڵە لەلایەن یەکلاکردن باوەتەیل وەخاستر داگە قەڵەم، چۊنکە پارەکە لەوەر بڵاوبۊین ڤایرۆس کۆرۆنا سرووشتی نەۊی.