شەفەق نيوز/ نێچیروان بارزانی سەرۆک هەرێم کوردستان،  شەوەکی ئمڕوو یەکشەممە،  چەوی کەفتە دەیڤید هینت قونسڵ نوو بەریتانیا لە هەرێم کوردستان.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە چەوپیکەفتنیگ، وەگەرد پێشوازیکردن، نێچیروان بارزانی پیرۆزبایی لە قونسل بەریتانی ئەرا وەرگرتن ئەرکەیل پۆستەگەی کرد، و ئومید سەرکەفتن ئەرای خوازێد، و گشت پشتگیریی ئەرا سەرکەفتن کار و ئەرکەیلی نشان دا.

هەردوگ لایەنەگە دووپات لە بتەوکردن پەیوەندیە دووانیەیلە و فراوانکردن چینەیل هاوکاری و هاوبەشی ناوبەین هەرێم کوردستان و بەریتانیا کردن.

قونسڵ گشتی بەریتانیا دیاری کرد ک پلان و بەڕنامەی خەسیگ ئەرا بتەوکردن پەیوەندیەیل وڵاتەگەی وەرد هەرێم کوردستان دیرێد، و ئەوەسا خوەی وتیمەگەی کار ئەرا جیوەجیکردنیان کەن.

هەمیش لە پابەندی بەریتانیا لە وەردەوامی پاڵپشتیکردن هەرێم کوردستان و عراق و ئارامیان کرد، و دەسخوەشی لە هاوکاری و هەماهەنگی وەزارەت باوەتەیل پێشمەرگە لە حکومەت هەرێم کوردستان وەگەرد وەزارەت وەرگری بەریتانیا کرد.

بەیاننامەگە وتیش؛ کارکردن ئەرا فراوانی چینەیل بازرگانی و وەکارخستن سەرمایەیلە و چالاکیەیل کەرت تایبەت لەناوبەین هەردوگ لایەنەگە، رەوشەیل هەرێم کوردستان و عراق وەگشتی، گرفتەیل هەولێر _ بەغداد،  نووترین  گەشەی جەنگ دژوە تیرۆر، مەترسیەیل گلەوخواردن داعش، هەڵبژاردن هاتگ عراق،  كەشەیل ناوچەگە و بڕێ تر لە باوەتە گرنگەیلەی لای هەردوگ لایەنەگە، باوەتەیلیگ تر بۊن لە چەوپیکەفتنەگە.