شەفەق نیوز/ لیوا عەبدولحەق تەلعەت نۆینەر وەزارەتەیل پێشمەرگە و ناوخۆ لە هەرێم کوردستان لە ژوور ئۆپراسیۆنە هاوبەشەگان، ئمڕوو پەنجشەممە، خەوەردا ک هەولێر و بەغداد دیرن ناوەندیل هەماهەنگی سەربازی و ئەمنی هاوبەش لەناوچە دابڕیایەگان کەنەو، ئەرا نواگردن مەترسیەیل ریخریاگ داعش.

لیوا تەلعەت ئەرا ئاژانس شەفەق نیوز وت: ئیسە دوو ژوور هەماهەنگی   لە هەولێر و بەغداد کریاوە، وشاندیگ لە هەولێر هەس و شاندیگ تر لە بەغداد، وتیش؛ ئەیە یەکەم قۆناغه، ولە قۆناغ دوویەم ناوەندەیل هەماهەنگی هاوبەش لە دیالە وخانەقین و کەرکوک و مەخموور کوێر و خوەرئاوای نەینەوا کریەنەو.