شەفەق نیوز/ قایمقام قەزای کۆیە، ئمڕوو دووشەممە، دووپات کرد ک ١٠ کەس کوشیان زەخمدار بوینە لەئەنجام پەلامارداین بارەگایل حزبەیلیگ کورد ئۆپۆزسیۆن ئیرانی لەلایەن سوپای پاسدران ئیران.
تارق حەیدەری قایمقام کۆیە ئەرا ئاژانس شەفەق نیوز وت: ئەو گورز مووشەکیە لە ساعەت هەیشت و ٤٩ خولەک شەوەکی ئمڕوو دەسوەپی کرد و تا یەک چارەک ساعەت وەردەوام بوی، ک بارەگایل حزبەیلیگ کورد ئۆپۆزسیۆن ئیرانی لە ناوچەی قەلعە کردە ئامانج، وتیش: گورزەگە بویە هووکار کوشیان دوو کەس و زەخمداری هەشت کەستر.
حەیدەری وتیش: کامپەێل پەنابەرەیل کورد لە دانیشتگەیل چووڵ کریان لەرخ گورزەگە وەگەرد وسیان دەوام لە پەنج مەکتەو، و بردن خوەنەوارەیلیان ئەرا مەکتەوەیلیگ تر.