شەفەق نیوز/ وەڕیەوبەرایەتی کەشناسی و زەویلەرزەناسی، ئمڕوو چوارشەممە، مەزەنیل کەشوهەوای 48 ساعەت ئایندەی پارێزگایەیل هەرێم راگەیان.
وەڕێەوبەرایەتەگە لە بەیاننامەیگ رەسیە ئاژانس شەفەق نیوز وت: " مەزەنەکریەد پلەی گەرمی 1-3 پلە لە پارێزگایەیل هەرێم داوەزێد وەگەردیا ئاسمان ئەور تەواویگە، و لەناوچە جیاوازەیل نمە واران وارێد وەگەردیا تەپوتووز بەرزەوبوود".
وتیش، مەزەنەکریەێد تونی واگە بوودە هووکار بەرزەوبوین تەپوتووز زیاتریگ لە پارێزگای سلێمانی و ئیدارەی گەرمیان.
لە بەیاننامەگە دیاریکرد، پلەی گەرمی مەزەنەکریاگ 48 ساعەت ئایندە وەیجویرەس هەولێر 36، سلێمانی 32، دهۆک 32، هەڵەبجە 34، گەرمیان 42، زاخۆ 32، سۆران 29.