شەفەق نیوز/ دویای خوەینشاندان بڕیگ لە کاسپکارەیل، ئمڕوو سێشەممە، ک سەوزە و میوە وە عەرەوانە لە بازاڕ قەزای کەلار فرووشن، چوینکە ری وەپیان نیەن کار بکەن، سەرۆک شارەوانی قەزاگە پەیمان وە رێکخستن کاریان دا، و نەیلێد زەرەد وەخوەیان و ئەو هاووڵاتیەیل بڕەسێد،
پەیامنێر ئاژانس شەفەق نیوز وت: شمارەیگ لەو کاسپکارەیلە ک میوە و سەوزە وە عەرەوانە لەناو بازاڕ کەلار فرووشن، لەبان قەیەغەکردنیان وەلایەن دەسەی ئەمنی.
لەلای خوەییش، ئەکرەم ساڵح وەڕیەوبەر شارەوانی کەلار دیاری کرد ک شارەوانی دەسەیگ ئەرا رێکخستن کار کاسپکارەیل و خاوەن عەرەوانەیل دیرێد، و هەمیشە گووش لە داوایان گرێد، و هەمیش گووش لە داوا و رای هاووڵاتیەیل گرێد.
وتیش؛ نزیکەی ٣٠٠ کاسپکار خاوەن عەرەوانە لەناو بازاڕەگە هەس، و لەلاییگتر، ٢٠٠ هەزار هاووڵاتی دیریمن، وتیش: بڕیگ عەرەوانە هەمیشە هانە ناو بازاڕەگە ک هیلێد مەردم خوتە بکەن.
وتیش: ئەوەسا کار کاسپکارەیل لەناو بازاڕەیل رێکەو کەن، و دووپات کرد ک شوینیگ ئەرا میوە و سەوزە فرووشەیل دیاری کریەێد.