شەفەق نیوز/ دیار بەرواری نۆێنەر پارت دیموکرات کوردستان، ئمڕوو شەممە، وت: دەنگدان ئەنجومەن نۆێنەران عراق لەبان یاسای پەککەفتن دارایی ( قەرزکردن)، رێککەفننە داراییەگان و نەفتیەگان لەناوبەین بەغداد و هەولێر هەڵوەشان.
بەرواری ئەرا ئاژانس شەفەق نیوز وت؛ دەنگدان ئەنجومەن نۆێنەران لەبان یاسای قەرزکردن، دویای داناین تەوەریگ تایبەت وە هەرێم، رێککەفتنەگان ناوبەین هەولێر و بەغداد هەڵوەشان، و دیاریکرد ک بایەدە حکومەت فیدڕاڵی و حکومەت هەرێم رێککەفتن نوویگ لەناوبەین هەردوگلاگە بکەن، تا بوودە زەمینەسازییگ ئەرا بوودجەی ٢٠٢١.
وتیش؛ هێزەیلیگ سیاسی شیعە هەس هەمیشە ناڕازایی لەبان هەر رێککەفتنیگ لەناوبەین بەغداد وهەولێر کەن، و جەخت تێرنە بان سەرۆکایەتی وەزیران، چ لە حکومەت عادل عەبدولمەهدی یا حکومەت موستەفا کازمی، ئەراوە هەر رێککەفتنیگ لەناوبەین بەغداد و هەولێر بایەدە پاڵپشتی سیاسی بیاشتاد تا گرفتەیلیگ ئەرا ریگری لەی رێککەفتنە لەناو پەرلەمان نەوود، یا هەڵوەشانەوەی جوور ئەوەگ لەی دویاییە بوی.