شەفەق نیوز/ سەرچەوەیەگ ناوەخوەیی ئمڕوو شەممە، خەوەردا کە تەرم مناڵیگ لە چەم گەورەی زاب لە هەولێر پایتەخت هەرێم کوردستان پەیا کریا.
سەرچەوەگە ئەرا ئاژانس شەفەق نیوز وت: "ئەو مناڵە (ئەحمەد خدر) تەمەن 11 ساڵان سێ رووژ وەرجەیە لە چەم زاب گەورە خنکیا، و مینەکردن لەلایەن تیمەیل وەرگری شارستانی وەردەوام بوی، تا ئمڕوو توەنستن تەرمەگەی لەناو چەمەگە درارن.
وتیش: مناڵەگە له خەڵک ناحیەی (کورگۆسک)ه له ناو قەزای خەبات، و تویش بیماری دەروینی ئۆتیزم بویه.