شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە پەیاکردن تەرم یەکیگ لە رفیایەیل لە ناوچەی لەیلان ناوبەین پارێزگایل سلێمانی و کەرکوک.
سەرچەوەگە ئەرا ئاژانس شەفەق نیوز وت: تەرم عەلی کاکە عەلاو وەسەربڕیاگ لە دەورگرد ناحیەی لەیلان پەیا کریا، دویای رفیانی دویەکە وەدەس داعش.
دیاری کرد ک قوربانیەگە ئەندام ئەمنیە.
شەوەکی ئمڕوو، سەرچەوەیگ ئەمنی ئەرا ئاژانس شەفەق نیوز وت: ئەندامەیلیگ لە ریخریاگ داعش وەرەو ری ناوبەین کەرکوک و سلێمانی دزە کردن، لەناو ئەو ناوچەیل چووڵە ناوبەین پێشمەرگە و هیزەیل فیدراڵی، و دوو گەنج رفانن.
سەرچەوەیگ ئەمنی لە کەرکوک، ئمڕوو دووشەممە، هویردەکاریەیل نوویگ لە رویداو رفیان دوو هاووڵاتی لەبان سنوورەگە ناوبەین کەرکوک و سلێمانی ئاشکرا کرد، و باس کوشیان هاووڵاتییگ کورد وزەخمداری یەکیگتر کرد، و دەسگیرکردن کەسەیلیگ گومان لەلیان بویە.
سەرچەوەگە ئەرا ئاژانس شەفەق نیوز: چەکدارەیلیگ لە داعش تەقە لە بڕیگ ماشین نزیک ئاوای بیانلۆ لە لەیلان دیستری کردن، ک بویە هووکار کوشیان هاووڵاتییگ کورد وزەخمداری گەنجیگ.