شەفەق نیوز/ پۆلیس دهۆک، ئمڕوو چوارشەممە، تەرم پیاویگ مەدەنی لە ناحیەی شیلادزێ سەر وە قەزای ئامێدی پەیا کرد.
سەرچەوەیگ ئەمنی خەوەردار ئاژانس شەفەق نیوز کرد، "پۆلیس تەرم هاولاتی (حەيدر) 50 ساڵان پەیاکردیە لە ناوچەی نیروە و ریکان، لەو باوەڕەن ک لەئەنجام بووردومانەیل ئاسمانی دۊکەی ترکیا ئەرا ئەو ناوچەیلە کوشیایە.
پەیامنێر ئاژانسەگە وت، حەیدەر خەڵک کۆمەڵگەی سیریە لە ناحیەی شیلادزێ سەر وە قزای ئامێدی سەروە پارێزگای دهۆک و خێزاندارە و خاوەن دە مناڵە.