شه‌فه‌ق نيوز/ ليژنه‌ى ئاسايش و وه‌رگرى نوێنه‌رايه‌تى له په‌رله‌مان عراقى، ئاشكراى وجوود گفتگووه‌يل ناونى عراق و روسيا كرد ئه‌را سه‌ندن سيسته‌م ئێس 300 له مۆسكۆ.
له‌و باوه‌ته‌و، محه‌مه‌د ره‌زا حه‌يده‌رى سه‌رۆك ليژنه‌گه ئه‌را شه‌فه‌ق نيوز، وت: گفتگووه‌يليگ هه‌س له‌وه‌ر چگن شاند ئه‌را روسيا له‌وه‌ر خاتر ريككه‌فتن له‌بن چه‌كه‌يل هيز ئاسمانى يا ته‌ياره يا وه‌رگرى ئاسمانى، وه‌لێ كاريگه‌رى هه‌س له‌لايه‌ن وڵاته‌يل يه‌كگرتگه‌و له‌بان ريككه‌فتن عراق و سه‌ندن چه‌ك له باقى ده‌وڵه‌ته‌يل تر.
حه‌يده‌رى هه‌ميش وت: وڵاته‌يل يه‌كگرتگ به‌نده‌يل ريككه‌فتنه ئه‌منيه‌‌گه جێ وه‌جێ نه‌كردگه ك په‌يوه‌سه وه پاراستن ئاسمان عراقى وه‌تايبه‌ت وه‌ل وجوود ياساشكنى مه‌ترسيدار و گه‌ورا له بۆردمانكردن كۆگايه‌يل چه‌ك و ته‌قه‌مه‌نى عراقى.