شه‌فه‌ق نيوز/ سه‌رچه‌وه‌يگ ئه‌منى و سه‌رچه‌وه‌يگيش پزشيكى باس له‌وه كردن ئه‌نجام په‌لاماره چه‌كداريه‌گه ئه‌را بان ئاواييگ له پاريزگاى كه‌ركوك وه كوشتن كه‌سيگ و 9 زه‌خمدار كوتايى وه‌پيهاتگه.
چه‌كداره‌يليگ نه‌ناسرياگ ك گومان ئه‌كريه‌ێد له ريكخرياگ داعش بوينه، دويه‌كه چوارشه‌ممه په‌لامار ئاواييگ كوردنشين دان له ناوچه‌ى هه‌فت ته‌غار سه‌ر وه قه‌زاى داقوق له باشوور كه‌ركوك و كێڵگه‌يليگ كشتوكاڵى ئاگر دان.
جى باسه، هه‌ناى ك مه‌ردم تاو دان ئه‌را كوشاننه‌وه‌ى ئاگره‌گه ئه‌و چه‌كداره‌يليگ كه‌مين ئه‌رايان داناوين و كه‌سيگ كوشتن و 9 كه‌سيش زه‌خمدار كردن، جوور ئه‌وه‌گ سه‌رچه‌وه‌يگ ئه‌منى و سه‌رچه‌وه‌يگيش پزيشكى باس له‌لى كردن.