شه‌فه‌ق نيوز/ ليژنه‌ى ئاسايش و وه‌رگرى نوێنه‌رايه‌تى ئاشكراى هه‌وڵه‌يلى كرد ئه‌را كاراكردنه‌وه‌و جيگيركردن ياساى "خزمه‌ت سه‌ربازى" له ماوه‌ى قۆناغ ئاينده و جه‌خت له خواست ئى مه‌سه‌له كرد له روێه‌يل خزمه‌تگوزارى و ته‌وارى يا كه‌رته‌يل تر و كاره‌يليان ته‌نيا له‌بان ئه‌ركه‌يل جه‌نگى دقه‌ت نه‌كا.
له‌ى باوه‌ته‌و، رووژنامه‌ى ئه‌لسه‌باح نيچمه فه‌رمى له زووان عه‌بدولخالق عه‌زاوى وت: عادل عه‌بدولمه‌هدى سه‌رۆك ئه‌نجومه‌ن وه‌زيره‌يل سه‌ركرده‌ى گشتى هيزه‌يل چه‌كداريش ئاماده‌گى خوه‌ى ده‌رخستگه ئه‌را دراسه‌تكردن باوه‌ته‌گه وه مه‌رجه‌يليگ دياريكرياێ.
جى باسه، عه‌زاوى هه‌ميش وت: سفه‌ته‌يل ئى ياسا ئه‌وه‌سه پابه‌ندى بكريه‌ێد وه مه‌رجه ته‌مه‌ن و ئه‌گه‌ره‌يل ئه‌وه‌يش هه‌س(به‌ده‌ڵ نه‌ختى)بدريه‌ێد وه‌رانوه‌ر ته‌واوكردن خزمه‌ت سه‌ربازێ ك يه‌يش داهات گه‌ورايگ ئه‌را وه‌زاره‌ت وه‌رگرى دابين ئه‌كا.