شه‌فه‌ق نيوز/ ليژنه‌ى ياسايى نوێنه‌رايه‌تى، تومه‌تبار فه‌تح و فه‌زيله‌و فراكسيۆنه‌يل تر كرد وه پشتگيرى له داناين ياسايگ ك زاڵبوين فقهه‌يل له‌بان بريار دادوه‌رى ديارى ئه‌كا.
له‌ى باوه‌ته‌و، ئه‌لعه‌ره‌بى ئه‌لجديد له زووان ئه‌نداميگ له ليژنه‌ى ياسايى نوێنه‌رايه‌تى ك نه‌تواس ناوى ئاشكرا بكا وت: ياساى دادگاى ناوه‌ندى ك ئيسه تاووتوێ ئه‌كريه‌ێد له په‌رله‌مان، پشتگيرى قايميگ له بڕيگ له حزبه‌يله‌و گرته‌سه خوه‌ى ك ته‌نانه‌ت هويچ هه‌مواركردنيگ ناخوازێد و باس له‌وه‌يش كرد ئى ياسا فريه خه‌ته‌رناكه‌و له‌يوا ئه‌كا حزب ده‌سڵات بگرێده بان ده‌سڵات دادوه‌رى.
جى باسه، ئه‌و ئه‌ندامه يه‌يش ده‌رخستگه ئى زاڵبوينه له‌بان ده‌سڵات دادوه‌رى وه‌ناو حزبه‌و ناگه، به‌ڵكوو وه‌ناو دينه‌و بويه ك له‌تى لايه‌نه‌يل سياسى جوور فراسكيۆن فه‌تح و فه‌زيله‌و فراكسيۆنه‌يل تر پشتگيرى له داناين ئى ياسا ئه‌كه‌ن له به‌رژه‌وه‌ندى زاڵبوين فقه له‌بان ده‌سڵات دادوه‌رى.