شه‌فه‌ق نيوز/ دوياى ئه‌وه‌گ هاوپه‌يمان ناوده‌وڵه‌تى ئاشكراى كوشيان و زه‌خمداربوين شماره‌يگ له سه‌ربازه‌يل كرد له په‌لاماريگ مووشه‌كى ك بنگه‌يگ سه‌ربازى له كه‌ركوگ گرته ئامانج، سه‌رچه‌وه‌يليگ سه‌ربازى ئه‌مريكى ميليشيايه‌يليگ عراقى سه‌ر وه ئيران وه ده‌سداشتن له‌و په‌لاماره تومه‌تبار كردن.
له‌ى باوه‌ته‌و، وه‌رپرسه‌يل هه‌واڵگيرى ئه‌مريكى، جوور ئه‌وه‌گ گۆڤار نيوزويك ئاماژه وه‌پيكردگه، ئيران تومه‌تبار كردنه وه وسيان له‌پشت ئه‌و په‌لاماره.
جى باسه، وه‌رپرسه‌يل له وه‌زاره‌ت وه‌رگرى ئه‌مريكى ئه‌را گۆڤاره ئه‌مريكيه‌گه ئه‌وه ده‌رخستنه ك بنگه‌يگ سه‌ربازى له كه‌ركوك گيرياسه ئامانج وه مووشه‌ك و له‌تى به‌ڵێنده‌ريگ له پنتاگۆن و شماره‌يگ له سه‌ربازه‌يل و كه‌سه‌يل تر عراقى كوشيانه.