شەفەق نیوز/ سەرچەوەیگ ئەمنی، ئمڕوو شەممە، خەوەردا لە کوشتن پۆلیسیگ و دزیکردن پویلەگەی، لە قەزای موقدادیە لە پارێزگای دیالە.
سەرچەوەگە ئەرا ئاژانس شەفەق نیوز وت: نەناسریایەیلیگ چگنە ناو ماڵ پۆلیسیگ لە دەورگرد قەزای موقدادیە، و پویلەگەی بردن، ئیجا کوشتنەی و واین.
وتیش؛ هێزیگ ئەمنی رەسیە شوون رووداوەگە و لێکۆڵینەوەیگ ئەرا ئاشکراکردن ووردەکاریەیلی کردەو، و هەڵمەتیگ وەشکین لە ناوچەیل دەورگرد شوون رووداوەگە ئەنجام دا، و تا ئیسە نەزانریاگە ئایا ئەگەر تیرۆری بوی یا تاوانی.