شەفەق نیوز/ سەرچەوەیگ ئەمنی ئمروو پەنجشەممە، خەوەردا لە کوشیان 4 ئەندام لە رێکخریاگ داعش، و زەخمداری دو سەرباز لە سوپای عراقی وە پەلاماریگ لەبان ری سینیە-حەدیسیە.

سەرچەوەگە وە ئاژانس شەفەق نیوز خەوەردا، " ئەندامەیل داعش پەلامار خاڵیگ ئەمنی سەروە لیوای 91 لە سوپای عراقی لە ری سینیە- حەدیسیە دانە لە دەورگەرد قەزای بێجی لە باکوور سەڵاحەدین.".

سەرچەوەگە دووپاتکرد: " لە پەلامارەگە کوشیان و زەخمداری چوار ئەندام داعش و زەخمداری دو ئەندام لە سووپای عراقی لەلی کەفتەو".  

وتیش، هێزەیل سوپا خاڵەیل ئەمنی وەهێز کردن و هەڵمەت مینەکردن پەلاماردەریل دەسوەپی کردن.