شەفەق نیوز/ سەرچەوەیگ خۆجێیی لە دیالە، ئمڕوو دووشەممە، خەوەردا لە کوشیان یەک مەدەنی و زەخمداربوین ٣ کەس تر وە رووداویگ هاتووچو لە دەورگرد ناحیەی بوهرز لە باشوور بەعقوبە.
سەرچەوەگە ئەرا ئاژانس شەفەق نیوز وت: یەک مەدەنی کوشیا و ٣ کەس تر زەخمدار بوین لەوەر لەیەکداین دوو ماشین لە باشوور ناحیەی بوهرز.
سەرچەوەگە وتیش؛ رووداوەگە لەوەر لەیەکداین ماشینیگ مارکەی لیگزز سێ کەس لە خەڵک پارێزگای واسیت سواری بوین، وەسەردانیگ لە دیالە بوینە، وەگەرد ماشینیگ تۆیوتا لە خەڵک ئەبو سێدا، ک لەوەر رووداوەگە مرد، و زەخمدارەیل وەرەو خەسەخانەی بەعقوبە بریان.