سەرچەوەگە ئەرا ئاژانس شەفەق نیوز وت: هیزیگ ئەمنی زانیاری ئەرای رەشی کە چوار کەس ڕەگەزنامەی سووری وەناو ماشین تۆیوتای رەنگ سوور، عێاقییگ خەڵک پارێزگای دیالە رانێدەی، و هیزەگە کەفتە شوین ماشینەگە، و ماشینەگە لەو مەوقە داد لە ماشینیگ مارکەی چارچەر.
دیاری کرد کە رویداوەگە نووسە هوکار زەخمداری کەسیگ، وەلێ هیزە ئەمنییەگڵ توەنست ئەو چوار کەس سوریە وەگەرد رانندەی عراقی دەسگیر بکەێد، چوینکە یاسای وەناوهاتن وڵاتەگە شکاننە.
لە رویداویگ جیا، سەرچەوەگە ئەرا ئاژانس شەفەق نیوز وت: خاوەن ماشینیگ مارکەی چارچەر وە تونی فرەیگ رانیەر کابرایگ مەدەنی وەناو حەسەن عەلی تلانیە هەنای لە جادەگەو رەد بویە، کە ئەو کابرا گیانی لەدەسدا، و خاوەن ماشینەگە دەسگیر کریا، و تەرم قوربانیەگە ئەرا پزشک دادوەری بریا.
سەرچەوەگە دیاری کرد کە رویداویگ ترەک لەبان ری داقوق - دووزخورماتوو ناوەین دوو ماشین، بویە هوکار زەخمداری سێ کەس و زەرەد گەورەیگ وە دوو ماشینەگە رەسیە، کە زەخمدارەیل ئەرا خەسەخانە بریان.